Home
News
Videos
Rhawv Kev Ncaajnceeg
Cov Ntseeg Raug Tsimtxom
Thaam Txug Kev Ntseeg
Moob Txomnyem
Ncig Saib Tebchaws
Vietnamese Videos
About Us
Txug Peb
Vàng Chính Mình
Tiếng Việt
Home
News
Videos
Rhawv Kev Ncaajnceeg
Cov Ntseeg Raug Tsimtxom
Thaam Txug Kev Ntseeg
Moob Txomnyem
Ncig Saib Tebchaws
Vietnamese Videos
About Us
Txug Peb
Vàng Chính Mình
Tiếng Việt
We are a minority groups of people who come together
to stand up for peace and justice
Nuav yog ib paab tuabneeg kws muaj lub zeemmuag xaav lug nrhav kev ncaajnceeg rua cov Moob kws tseem tsaug numtswv nyaablaaj tsimtxom. Peb pum hastas, luas lwm paab lwm pawg hab lwm qhabnab ntseeg, luas moog qha Txujmoo Zoo, Thaum paab tuabneeg hov lug ntseeg hab tsaug kev tximtxom mas puab muaj dlua ib paab moog has nom has tswv kuas muab kev yoojpheej hab kev ncaajnceeg rau puab, tabsis ntawm peb cov Moob tsi tau muaj le. Peb moog tshaaj Moo Zoo, coj Moob lug ntseeg, tabsis thaum puab raug kev tsimtxom peb has kuas puab ua sab ntev hab thov Vaajtswv paab puab xwb. Yog le nuav peb txha muaj lub zeem muag xaav lug koom uake ua tegnum tshawv kev ncaajnceeg rua saab kev ntseeg, tsi yog rua cov ntseeg xwb tabsis rua cov tsi ntseeg ib yaam nkaus hab. Peb ntseeg hastas cov kws muaj kuabxyeebtsim (qualification) tshaaj hab yuav lug ua tau tegnum tshawv kev ncaajnceeg tes yog cov kws tuav phau Vaajlugkub (Bible) ntaag. Tabsis tegnum nuav yog ib tegnum kws tsi yoojyim ua. Cov xibfwb cev Vaajtswv lug huv Vaajlugkub Qub feem coob yog cevlug rua vaajntxwv hab tej nom tej tswv kuas yuav tsum hlub tej lajmej pejxeem, hlub tug pluag, hlub tej puj nruag hab mivnyuas nruag hab tshawv kev ncaajnceeg rua suavdlawg coj, yog le yeej tsi muaj ib tug xibfwb cevlug kws tsi tau raug kev tsimtxom le. Vim yog tegnum puab ua, puab txha raug kaw, raug cuab raug khi, raug ntaus hab raug muab tua povtseg. Yauhaas kws muab tuabneeg ua kevcai raus dlej raug txav cej dlaab hab Yexus raug numtswv muab ntsa rua sau ntoo khaublig los twb vim yog tegnum tshawv kev ncaajnceeg xwb. Txawm le hov los peb yog tug ntseeg lawm, peb yuav tsum tau ua, vim peb yog cov kws tuav Vaajtswv txuj kev ncaajnceeg rua lub nplajteb nuav. Vim le nuav peb txaj le pum hastas peb yuav tau lug koomteg hab txhawb qhov kws Vaammeej twb tau ua lug lawm. Nwg yog tug pib tabsis tegnum nuav yog peb txhua tug ntseeg le.
Vaam Meej yog ib tug Moob yug hab luj hlub nyob rua huv Nyaablaaj ntawm lub xeev Ha Giang. Nwg hab nwg tsev tuabneeg tau lug ntseeg Vaajtswv rua xyoo 1989. Tom qaab lug ntseeg lawm, tej nomtswv kuj tsimtxom cov ntseeg heev, nwg nyob tsi tau, nwg txha tau coj nwg tsev tuabneeg tuaj ua tuabneeg tawgrog nyob rua Thaibteb (Thailand) rua xyoo 2005, tom qaab hov nwg txhaj le tuaj nyob rua tebchaws Mekas rua xyoo 2008. Txawm le hov los nwg tsi nov qaab txug qhov kws cov ntseeg raug kev tximtxom hab puab tej kev quaj kws has tuaj kuas nwg paab puab. Txij thaum kws nwg tuaj nyob rua tebchaws Mekas, nwg kuj rov qaab moog ncig saib lub tebchaws Vietnam ntau zag, nwg pum hastas tej teebmeem kws numtswv tsimtxom cov ntseeg yeej tseem muaj ua ntu zug lug moog. Nwg yeej tsi xaav muab nom tswv Vietnam tej kev tsi ncaajnceeg nuav lug has rua nplajteb, tabsis tog ntev npaum le caag los puab tsi hloov le. Yog le hov txij xyoo 2016 taag lug nuav, nwg txhaj ua ib sab tawm lug has txug tej xwmtxheej kws tej numtswv tsimtxom cov ntseeg hab tej kev tsi ncaajnceeg nyob rua huv Nyaablaaj lub tebchaws ua ntu zug lug moog.
Lub 3 hlis, xyoo 2017, Vaammeej nrug rua cov xibfwb ntawm haivneeg tsawg hab cov nyaablaaj kws ua num rua cov koomhum tshawv kev ncaajnceeg txhaj coj tej kev tximtxom kws cov ntseeg raug nyob rua Vietnam moog has rua tim Tsev Dlawb (White House, Washington D. C.) hab tso tej xuvxwm kev tsimtxom hab tsi muaj kev ncaaajnceeg nuav rua huv Youtube. Vim nwg pum hastas qhov nuav yog ib qhov teeb meem kws tsi muaj leejtwg lug paab dlaws.
Peb lug paab Vaammeej ua cov num nuav lawm, tabsis peb tseem ntshaw kuas cov ntseeg hab cov kws muaj txuj kev hlub lug cevteg paab seem kev ncaajnceeg nuav hab. Tsi taag le, thov nquag hu rua ib tsoom nomtswv hab thawjcoj lug nrug saib hab paab kuas cov ntseeg nyob rua Nyaablaaj tebchaws muaj kev ywjpheej ntseeg Vaajtswv. Puab twb muaj txug le ntawm 483 phaav tug Moob lug ntseeg lawm, hab muaj le ntawm 2,300 pawg ntseeg tabsis tej nomtswv yeej tsi pub puab ua tuam tsev hab tsi tso cai rua puab lug txhim khu txuj kev ntseeg le. Thov suavdlawg ncu ntsoov thov Vaajtswv paab kuas tegnum nuav tav rua peb cov Moob ntseeg Yexus nyob rua saab Nubtuaj Qaabteb Axis (Southeast Asia).
email tau rua peb
*
Indicates required field
Name (Npe)
*
First
Last
Email
*
Comment
*
Submit