Koomteg Tsim Tsaa Thawjcoj
&
Tshawv Kev Ncaajnceeg rua Haivneeg Tsawg
Txuj kev ncaajnceeg zoo le tug dlej ndlwg, nwg ndlwg moog txug twg qhov ntawd cajsa hab cawm txhua yaam tsi has ntseg, tsaj txhu, naagnoog, xyoob ntoo hab tuabneeg. Zoo ib yaam le ntawd, yog lub tebchaws twg, yog haiv tuabneeg twg losis tsaav tuabneeg twg muab txuj kev ncaajnceeg lug coj, cov tuabneeg ntawd lub neej muaj kev thaajyeeb hab nyob kaaj sab lug ib yaam nkaus.
Txuj kev ncaajnceeg tsi yog rua lwm tug coj xwb tabsis yog rua tej numtswv, rua koj hab kuv coj huv tuabsi. Yog le ntawd, yog koj pum hastas kuv has kuas kuv tsi coj hab tsi ua tes koj yuav tsum has kuv, yog koj has tabsis koj tsi coj hab tsi ua los kuv hab koj ib yaam nkaus. Peb yuav tsum tau coj hab ua peb lub neej kuas nccaajnceeg peb txha zoo has kuas tej numtswv coj hab ua. Peb yuav tsum ca txuj kev ncaajnceeg ndlwg ntawm Vaajtswv lug rua huv peb txhua tug lub sab kuas phwj hab ca ndlwg tawm ntawm koj hab kuv moog rua lwm tug yaam le tug dlej kws ndlwg moog rua txhua ceg kaum roob hab txhua ceg kaum haav. Tsi has mej tsi has peb los suavdlawg yuav tsum muaj txuj kev ncaajnceeg tuab yaam nkaus Vaajtswv txha nrug peb nyob hab peb txha le yuav tau koob moov ntawm Vaajtswv. Vaajtswv Txujlug txha le qha hastas,
"Yog leejtwg has rua tug kws txhum hastas "koj tsi txhum", tej tuabneeg yuav foom tsi zoo rua tug ntawd hab nwg haiv tuabneeg yuav ntxub nwg. Tabsis tug kws txav txim rua tug tuabneeg ua txhum, tug ntawd yuav tau lub neej zoo, tau koob tau moov hab tej kev muaj txag nplua nuj yuav lug rua tug ntawd"
(Paajlug 24:24-25).
Haivneeg twg tsi muaj kev ncaajnceeg haiv tuabneeg ntawd yeej poob qaab dlua haivneeg kws coj txuj kev ncaajnceeg. Yog le nuav peb txha sawv lug tawm tsaam tej nomtswv kws tsi muaj txuj kev ncaajnceeg rua nwg haivneeg, tshwjxeeb yog rua cov tsaav neeg tsawg kws nyob rua huv nwg lub tebchaws.
Qhov kws peb yuav lug tsawv tau kuas muaj kev ncaajnceeg rua lub tebchaws tsi yog ib yaam kws yoojyim kws ib leeg yuav ua tau. Yog le nuav peb txha nquag hu suavdlawg lug sis koomteg hab tsim tsaa cov thawj coj kuas coob le coob tau, peb txha le yuav tshawv tau txuj kev ncaajnceeg rua peb tsaav tuabneeg Moob hab lwm paab pawg kws yog haivneeg tsawg kws nyob rua Southeast Asia. Peb lug sis koom uake rua ntawm txuj kev:
1. Kev sib ntseeg sab
2. Kev sis hlub
3. Kev sis paab
4. Hab kev sis txhawb
Plaub yaam nuav zoo le plaub txuj hlua losis plaub txhais ceg lug moog txheem peb txuj kev ua neej. Peb txha muaj lub neej nrug luas ua hab peem tsheej ua ib haiv neeg kws ua rua luas pej kum haiv saib taug. Thaum kawg peb txha le yuav muaj cov thawj coj zoo kws muaj lub meej mom lug nrug luas tuav lub teb lub chaw moog rua qhov zoo hab ncaajnceeg.
Txij nub nua moog, peb yuav tau muab 4 yaam nuav lug sis khi uake zoo le ib txuj hlua ruajx losis zoo le lub rooj kws muaj 4 tug ceg txheem khov kho kuas peb txhob qaug ntxiv lawm.
Txuj kev ncaajnceeg tsi yog rua lwm tug coj xwb tabsis yog rua tej numtswv, rua koj hab kuv coj huv tuabsi. Yog le ntawd, yog koj pum hastas kuv has kuas kuv tsi coj hab tsi ua tes koj yuav tsum has kuv, yog koj has tabsis koj tsi coj hab tsi ua los kuv hab koj ib yaam nkaus. Peb yuav tsum tau coj hab ua peb lub neej kuas nccaajnceeg peb txha zoo has kuas tej numtswv coj hab ua. Peb yuav tsum ca txuj kev ncaajnceeg ndlwg ntawm Vaajtswv lug rua huv peb txhua tug lub sab kuas phwj hab ca ndlwg tawm ntawm koj hab kuv moog rua lwm tug yaam le tug dlej kws ndlwg moog rua txhua ceg kaum roob hab txhua ceg kaum haav. Tsi has mej tsi has peb los suavdlawg yuav tsum muaj txuj kev ncaajnceeg tuab yaam nkaus Vaajtswv txha nrug peb nyob hab peb txha le yuav tau koob moov ntawm Vaajtswv. Vaajtswv Txujlug txha le qha hastas,
"Yog leejtwg has rua tug kws txhum hastas "koj tsi txhum", tej tuabneeg yuav foom tsi zoo rua tug ntawd hab nwg haiv tuabneeg yuav ntxub nwg. Tabsis tug kws txav txim rua tug tuabneeg ua txhum, tug ntawd yuav tau lub neej zoo, tau koob tau moov hab tej kev muaj txag nplua nuj yuav lug rua tug ntawd"
(Paajlug 24:24-25).
Haivneeg twg tsi muaj kev ncaajnceeg haiv tuabneeg ntawd yeej poob qaab dlua haivneeg kws coj txuj kev ncaajnceeg. Yog le nuav peb txha sawv lug tawm tsaam tej nomtswv kws tsi muaj txuj kev ncaajnceeg rua nwg haivneeg, tshwjxeeb yog rua cov tsaav neeg tsawg kws nyob rua huv nwg lub tebchaws.
Qhov kws peb yuav lug tsawv tau kuas muaj kev ncaajnceeg rua lub tebchaws tsi yog ib yaam kws yoojyim kws ib leeg yuav ua tau. Yog le nuav peb txha nquag hu suavdlawg lug sis koomteg hab tsim tsaa cov thawj coj kuas coob le coob tau, peb txha le yuav tshawv tau txuj kev ncaajnceeg rua peb tsaav tuabneeg Moob hab lwm paab pawg kws yog haivneeg tsawg kws nyob rua Southeast Asia. Peb lug sis koom uake rua ntawm txuj kev:
1. Kev sib ntseeg sab
2. Kev sis hlub
3. Kev sis paab
4. Hab kev sis txhawb
Plaub yaam nuav zoo le plaub txuj hlua losis plaub txhais ceg lug moog txheem peb txuj kev ua neej. Peb txha muaj lub neej nrug luas ua hab peem tsheej ua ib haiv neeg kws ua rua luas pej kum haiv saib taug. Thaum kawg peb txha le yuav muaj cov thawj coj zoo kws muaj lub meej mom lug nrug luas tuav lub teb lub chaw moog rua qhov zoo hab ncaajnceeg.
Txij nub nua moog, peb yuav tau muab 4 yaam nuav lug sis khi uake zoo le ib txuj hlua ruajx losis zoo le lub rooj kws muaj 4 tug ceg txheem khov kho kuas peb txhob qaug ntxiv lawm.